लायन खिचडी घर

07 Oct 2026

🦁 दिनांक – ७ ऑक्टोबर २०२६,बुधवार लायन खिचडी घर लायन्स क्लब धुळेचा कायमस्वरूपी सेवाप्रकल्प “सेवा हीच साधना, माणुसकी हाच धर्म आणि अन्नदान हेच श्रेष्ठ दान!” लायन्स क्लब धुळेचा “लायन खिचडी घर” हा एक महत्त्वपूर्ण Permanent Service Project असून, गेल्या पाच वर्षांहून अधिक काळापासून सिव्हिल हॉस्पिटल, साक्री रोड बायपास, धुळे येथे हा सेवायज्ञ अविरतपणे सुरू आहे. दररोज सायंकाळी ६:३० वाजता गरमागरम खिचडीचे सुमारे ७० ते ७५ पॅकेट्स रुग्णांना पाहण्यासाठी आलेल्या नातेवाईक, मित्रपरिवार तसेच ग्रामीण भागातून आलेल्या गरजू व्यक्तींना प्रेमपूर्वक वितरित केले जातात. रुग्णालयात आपल्या प्रियजनांच्या उपचारासाठी आलेल्या कुटुंबीयांना अनेकदा मानसिक, आर्थिक आणि दैनंदिन अडचणींचा सामना करावा लागतो. अशा कठीण प्रसंगी त्यांच्या पाठीशी उभे राहून दोन घास अन्नाचा आधार देणे, हीच या प्रकल्पामागची खरी भावना आहे. या सेवाकार्यामागे प्रसिद्धीचा कोणताही हेतू नसून, निःस्वार्थ सेवा आणि माणुसकीची भावना हा आमचा केंद्रबिंदू आहे. गरजूंची भूक भागविणे, दुःखाच्या काळात आधार देणे आणि समाजाप्रती असलेली आपली जबाबदारी पार पाडणे, हेच लायन्स क्लब धुळेचे खरे ध्येय आहे. 🦁 पी.एस.टी. टीम २०२६–२७ प्रोजेक्ट चेअरमन - MJF ला.केयूर शहा अध्यक्ष - ला.तुषार अढावे सेक्रेटरी - ला.मयूर जैन खजिनदार - ला.संदीप जैन या सेवाकार्यात मनापासून योगदान देणाऱ्या लायन्स क्लब धुळेच्या सर्व सन्माननीय सभासदांचे मनःपूर्वक आभार. “लायन खिचडी घर — केवळ अन्नवाटप नव्हे, तर गरजूंच्या आयुष्यात माणुसकीचा आधार देणारी एक अखंड सेवा!” 🦁 WE SERVE सेवेतून समाधान • सेवेतून माणुसकी • सेवेतून समाजकल्याण