लायन खिचडी घर

01 Oct 2026

🦁 लायन खिचडी घर 🦁 दिनांक - १ ऑक्टोंबर २०२६ सेवेचा अखंड प्रवास… माणुसकीचा जिवंत ध्यास! लायन्स क्लब धुळे या सेवाभावी संस्थेचा ‘लायन खिचडी घर’ हा एक महत्त्वपूर्ण पर्मनंट सेवा प्रकल्प गेल्या पाच वर्षांहून अधिक काळापासून सिव्हिल हॉस्पिटल, साक्री रोड बायपास, धुळे येथे अविरतपणे सुरू आहे. दररोज सायंकाळी ६:३० वाजता गरमागरम खिचडीचे सुमारे ७० ते ८० अन्नपॅकेट्स रुग्णांचे नातेवाईक, मित्रपरिवार तसेच ग्रामीण भागातून उपचारासाठी आलेल्या गरजू व्यक्तींना प्रेमपूर्वक वितरित केले जातात. रुग्णालयात आपल्या प्रियजनांच्या उपचारांसाठी थांबलेल्या नातेवाईकांना अनेकदा मानसिक तणावासोबतच जेवणाचीही अडचण जाणवते. अशा कठीण प्रसंगी त्यांना आधार देण्याचा, त्यांच्या चेहऱ्यावर समाधानाचे हास्य फुलवण्याचा आणि त्यांच्या दुःखात माणुसकीचा हात पुढे करण्याचा आमचा हा छोटासा प्रयत्न आहे. आमच्यासाठी सेवा ही प्रसिद्धीचे साधन नसून, ती माणुसकी जपण्याची एक पवित्र जबाबदारी आहे. कोणतीही अपेक्षा न ठेवता, निःस्वार्थ भावनेने गरजूंची भूक भागवणे आणि त्यांच्या अडचणीच्या काळात त्यांना मदतीचा हात देणे, हाच या प्रकल्पाचा खरा उद्देश आहे. २०२६-२७ ची पी.एस.टी. टीम या सेवाकार्याला अधिक प्रभावीपणे पुढे नेण्यासाठी कटिबद्ध आहे. 🔹 प्रोजेक्ट चेअरमन: MJF ला. केयूर शहा 🔹 अध्यक्ष: ला. तुषार अढावे 🔹 सेक्रेटरी: ला. मयूर जैन 🔹 खजिनदार: ला. संदीप जैन तसेच लायन्स क्लब धुळेचे सर्व सन्माननीय सभासद या सेवाकार्यात मोलाचे योगदान देत आहेत. ‘अन्नदान हेच श्रेष्ठ दान’ या भावनेतून सुरू असलेला हा सेवायज्ञ म्हणजे We Serve या लायन्सच्या ब्रीदवाक्याचा प्रत्यक्ष आविष्कार आहे. लायन्स क्लब धुळेचा संकल्प एकच — भुकेल्याला अन्न, गरजूला आधार आणि प्रत्येकाच्या मनात माणुसकीचा विश्वास! 🦁 WE SERVE — ONE FOR ALL, ALL FOR ONE! 🦁 ला. मयूर विजय जैन सेक्रेटरी (२०२६-२७) लायन्स क्लब धुळे