लायन खिचडी घर

30 Aug 2026

❤️ सेवेतून समाधान… माणुसकीतून आपुलकी ❤️ लायन्स क्लब धुळे यांच्या वतीने हिरे मेडिकल, सिव्हिल हॉस्पिटल, धुळे येथे रुग्णांच्या नातेवाईकांना व मित्रपरिवाराला दररोज सायंकाळी ७:०० वाजता गरमा गरम खिचडीचे ७० पॅकेट प्रेमपूर्वक वितरीत केले जातात. गेल्या ५ वर्षांपासून हा सेवाभावी उपक्रम निरंतर सुरू असून, कोणतीही अपेक्षा न ठेवता गरजूंच्या सेवेसाठी लायन्स क्लब धुळेचे सदस्य सातत्याने आपला वेळ, श्रम आणि योगदान देत आहेत. रुग्णालयात आपल्या प्रिय व्यक्तीच्या उपचारासाठी आलेल्या नातेवाईकांसाठी त्या कठीण प्रसंगी एक गरमागरम जेवणाचा घास म्हणजे केवळ अन्न नसून, तो माणुसकीचा आधार, आपुलकीची जाणीव आणि संवेदनशीलतेचा हात असतो. दररोज ७० पॅकेट… वर्षातील असंख्य दिवस… आणि तब्बल ५ वर्षांची अखंड सेवा! या उपक्रमातून लायन्स क्लब धुळेचा “We Serve” हा सेवाभाव प्रत्यक्ष कृतीतून अनुभवायला मिळतो. या सेवाकार्यात सहभागी होणाऱ्या सर्व लायन्स सदस्यांचे, देणगीदारांचे आणि सहकार्य करणाऱ्या प्रत्येक सेवाभावी व्यक्तीचे मनःपूर्वक अभिनंदन व आभार! सेवा थांबू नये… माणुसकीची भूक भागत राहावी… आणि प्रत्येक घासासोबत प्रेम व आपुलकी पोहोचत राहावी! 🌹 लायन्स क्लब धुळे — सेवा हीच ओळख, माणुसकी हाच धर्म! 🌹