लाज्ञन खिचडी घर

15 Sep 2026

🦁 लायन्स क्लब धुळे 🦁 १५ सप्टेंबर २०२६ LION KHICHDI GHAR A Permanent Service Project “We Serve” — सेवा हीच आमची ओळख, माणुसकी हाच आमचा धर्म! पाच वर्षांची अविरत सेवा… हजारो गरजूंसाठी मायेचा आधार! लायन्स क्लब इंटरनॅशनलच्या “We Serve” या ब्रीदवाक्याला प्रत्यक्ष कृतीत उतरवत, लायन्स क्लब धुळेच्या वतीने गेल्या पाच वर्षांपासून “लायन खिचडी घर” हा पर्मनंट सर्व्हिस प्रोजेक्ट अविरतपणे सुरू आहे. स्थळ : सिव्हिल हॉस्पिटल, साक्री रोड बायपास, धुळे. दररोज सायंकाळी ६:३० वाजता गरमागरम, पौष्टिक खिचडीचे जवळपास ७० ते ८० पॅकेट्स रुग्णांच्या नातेवाईकांना, मित्रपरिवाराला तसेच ग्रामीण भागातून उपचारासाठी आलेल्या सर्व गरजू व्यक्तींना प्रेमपूर्वक वितरित केले जातात. रुग्णालयात उपचारासाठी आलेल्या कुटुंबीयांच्या मनात चिंता, काळजी आणि अस्वस्थता असते. अशा वेळी त्यांना मिळणारा गरमागरम खिचडीचा एक घास हा केवळ अन्न नसतो, तर तो असतो आपुलकीचा आधार, माणुसकीची ऊब आणि सेवाभावाची अनुभूती! आमचा उद्देश — प्रसिद्धी नव्हे, तर निःस्वार्थ सेवा! “अन्नदान हेच श्रेष्ठ दान” या भावनेतून सुरू असलेल्या या उपक्रमामागे कोणतीही प्रसिद्धी, कौतुक किंवा वैयक्तिक अपेक्षा नाही. रुग्णांच्या नातेवाईकांना, ग्रामीण भागातून आलेल्या गरजू व्यक्तींना आणि अडचणीच्या काळात मदतीची गरज असलेल्या प्रत्येक व्यक्तीला आपल्या क्लबकडून आधार मिळावा, हाच आमचा खरा ध्यास आहे. सेवा ही केवळ एक कृती नसून, ती आमची जबाबदारी आहे. गरजूंच्या चेहऱ्यावरचे समाधान हेच आमचे खरे यश आहे. PST TEAM २०२६–२७ प्रो.चेअरमन : एम.जे.एफ ला.केयूर शहा अध्यक्ष : ला. तुषार अढावे सेक्रेटरी : ला. मयूर जैन खजिनदार : ला. संदीप जैन तसेच लायन्स क्लब धुळेचे सर्व सन्माननीय सभासद यांच्या सहकार्याने, योगदानाने आणि सेवाभावाने हा प्रकल्प सातत्याने सुरू आहे. आमचे ब्रीदवाक्य “One for All, All for One” प्रसिद्धीपेक्षा सेवा… दिखाव्यापेक्षा माणुसकी… आणि उपक्रमापेक्षा सेवाभाव मोठा! 🦁 LIONS CLUB DHULE 🦁 WE SERVE — सेवा निरंतर, माणुसकी अविरत!